சிங்கம் 2-க்கு க்ளீன் ‘யு’

சூர்யாவின் சிங்கம் 2-க்கு க்ளீன் ‘யு’ சான்று… 2,400 அரங்குகளில் ரிலீஸ்!

• சென்னை: சூர்யா நடிப்பில் விரைவில் வெளிவரவிருக்கும் சிங்கம் 2 படத்துக்கு தணிக்கைக் குழு எந்த வெட்டுமில்லாத யு சான்று வழங்கியுள்ளது.

எஸ் லக்ஷ்மண் குமாரின் பிரின்ஸ் பிக்சர் தயாரிப்பில், ஹரி இயக்கி வரும் படம் சிங்கம் 2. சிங்கம் 2 ஹரி இயக்கியுள்ள இந்தப் படத்தில் சூர்யாவுக்கு ஜோடியாக அனுஷ்கா – ஹன்சிகா நடித்துள்ளனர்.

விவேக்கும், சந்தானமும் காமெடியில் கலக்கியுள்ளனர். தேவி ஸ்ரீபிரசாத் இசையில் வெளியாகியுள்ள பாடல்களுக்கு நல்ல வரவேற்பு கிடைத்துள்ளது. இந்தப் படத்தை சென்சார் குழுவினர் சமீபத்தில் பார்த்தனர். படத்தில் எந்த வெட்டுமில்லாமல் க்ளீன் யு சான்று அளித்தனர்.

ஜூலை 5-ம் தேதி இந்தப் படம் உலகமெங்கும் வெளியாகிறது. இதுவரை சூர்யாவின் எந்தப் படமும் வெளியாகாத அளவுக்கு 2400 தியேட்டர்களில் சிங்கம் 2 வெளியாகிறது.

தமிழகத்தில் மட்டும் 600 அரங்குகளுக்குமேல் படம் வெளியாகவிருப்பதாக தெரிவித்துள்ளனர்.